// అనంతమైన విషాదం //

అనంతమైన విషాదంలో ఓ ఎదురుచూపు
కాస్త ఆనందమైనా దోసిట్లో ఒలక్కపోతుందాని
రాసుకున్న పదాలేవీ వాక్యంలో ఇమడనప్పుడు
నిశ్శబ్దం నిజాలు చెప్తున్నట్లనిపిస్తుంది
ఏమో..
కలలన్నీ కన్నీటిలో కరిగిపోతున్నా
కాలమలా యధాలాపంగా కదులుతూనే ఉంటుంది
నిద్దురపొద్దుల్లో రెప్పలగోడల మాటు
ఊగుతున్న నీడల్లో వెలుతురుకైన వెతుకులాట అలానే ఉంటుంది
అయినా
శాశ్వతమైనదేముందీ లోకంలో
ఈనాటి అనుభూతి రేపటికో అనుభవమైపోతుంటే..
కొత్తగా నిర్వచించేదేముంది గాయాన్ని
గుండె బేలగా ప్రాణయాతనలో కొట్టుకు పోతుంటే..:(