నీలో అనురాగం పెదవులపై నవ్వుగా ఎదురొచ్చినప్పుడు
నన్నార్తిగా అల్లుకొనే ఆనందానికి ఆకాశం సరిపోదు
అసలీరోజు శరత్పున్నిమని గుర్తే లేదు
నీ కన్నుల్లో వెలుగు నన్ను వెచ్చబెట్టనంతవరకూ
ఈ వెండివెన్నెల్లో
చిరుగాలి నేపథ్య సంగీతం
మధురానుభూతులను పెనవేసుకొమ్మనేగా సంకేతం
ముంచుకొస్తున్న మోహన్నిప్పుడు ఆపకు
మనసుపడ్డ గమకాన్ని పాడకుండా వెళ్ళకు
చంద్రకాంతపువ్వులా విరిసేందుకు నే సిద్ధం
కొన్ని పరిమళాలు దాచుకుంటానంటే నీ ఇష్టం..
No comments:
Post a Comment