కొన్ని కలలంతే..
నిరీక్షణలో నీడలై వెంటాడుతూ
తరలిపోతున్న జ్ఞాపకాల్ని వెనక్కి పిలుస్తూ
పగిలిపోతున్న గుండెనూ
ఆగిపోతున్న ఊపిరినీ
ఆగమంటూ తొణుకుతుంటాయి..
ఏ ఆలోచనకో అల్లుకున్న చూపులు
నీ తలపుకి ఊయలూపుతూ
ఎన్ని నిట్టూర్పులు విడుస్తాయో
నీవులేని నా నిశ్శబ్దంలో
శూన్యం జన్మెత్తాలని చూస్తుంటే
పాటలో కుదురుకోలేని రాగంలా మిగిలిపోతాయి..!!
No comments:
Post a Comment