//ఆవేదన//

నీ రూపమే
నేనెప్పుడూ చూడాలనుకొనే వెన్నెల
ఎప్పటికీ అదే కోరిక
ఈ పిచ్చి..
ముదిరిపోతుందని తెలుస్తోంది

ఉన్న కాసేపూ నవ్వించి వెళ్ళిపోతావ్
ఏకాంతంలో నీ స్మృతులు
పదేపదే తడిమితడిమి
ప్రేమగా పలకరిస్తాయి..

నీవున్నప్పుడు కదిలే కాలాన్ని
ఆగమని అడగలేకపోతా
నీవెళ్ళాక కదలని క్షణాలను
ఒంటరిగా విమర్శిస్తుంటా

నవ్వాలని ప్రయతించిన ప్రతిసారీ
కనుకొలుకుల్లో కన్నీరే
వలపు బరువుని కన్నులు ఆపలేనట్లు
నీ జ్ఞాపకమే ఎదలో ఊయలూగుతోందింకా

ఇంత చెప్పినా..
నీ ఉనికేదని ప్రశ్నిస్తావెందుకో
నా భావంలో అక్షరాలు మాయమై
పూర్తిగా నిన్నే ఆవిష్కరిస్తున్నా..

Even If I Spent D Whole Day With U..
I'll Miss U D Second U Leave