అడవిపూల స్వరాలాపనలో సౌరభాలు..
కుసుమించిన ప్రకృతిలోని ప్రకంపనాలు
వసంతకోయిలలు గళం విప్పిన గానాలు
మధురిమలెన్నో నింపుకున్న నవరసరాగాలు
తరళనీలిమ రంగుల్లో నీ నయనాలు..
నా చెక్కిలిని చేరి ఆర్ద్రమైన వైనాలు..
ప్రణయ సాగరంలో ఎగిసిపడుతున్న కెరటాలు..
నెలవంక విరి అంచున పూసిన ఆనందాలు..
విరహంతో వేసారిన ఆషాడమేఘాలు..
ఆకాశమాపలేని సురభిళ శ్రావణజల్లులు..
నీకై నిరీక్షణలోని నా మౌనాలు
ప్రత్యుషానికై తపస్సు చేసే చీకటిరాత్రులు..!!
No comments:
Post a Comment