చేతికందినట్లనిపించే అందని ఆకాశమే నీవు
మౌనంగా వినిపించే వేణునాదానివే నీవు
ఎప్పటికీ అర్ధం కాని ప్రహేళికవే నీవు
మనసును పెనవేసే పున్నాగువే నీవు
మల్లెల్లో నిదురించే పుప్పొడివే నీవు
మంచుతెరను ముసుగేసుకున్న వేకువే నీవు
నిశ్చలత్వాన్ని ఆపాదించుకున్న గంభీరానివే నీవు
నిజంలా అనిపించే అబద్దానివే నీవు
అయినా కానీ..
ఎద నిండా పరచుకున్న అనురాగమే నీవు
అక్షరమై ఒదిగిపోయే నా కవనమే నీవు
కలలో సైతం నన్ను వీడని బంధమే నీవు..
అనుక్షణం నాలో ప్రవహించే చైతన్యమే నీవు..
వేదనలో వెన్నుతట్టే లాలింపువే నీవు..
నీరవంలో వినిపించే ప్రేమస్వరమే నీవు..!!
No comments:
Post a Comment