నేను సైతం మారాలనుకుంటా..
ఇన్నాళ్ళూ నిన్నే ప్రపంచముగా తలచినందుకు
అయినా.. నీకు నేనేమీ కాలేకపోయినందుకు
నాకు నన్నే పరాయిని చేసి నువ్విడిచినందుకు
పొరపాటు చేయడమే తెలియని నా భావాలు..
అక్షరాలుగా నిన్నెందుకు ఎంచుకున్నవో తెలియనందుకు
మొత్తానికే మూగదానిగా మారిపోయాను..
పెదవులు పాడే మొదటిపాట నువ్వనుకున్నందుకు
ఇప్పుడిక వేరే శిశిరాలెందుకులే జీవితానికి..
దిగుళ్ళయిన జ్ఞాపకాలన్నీ మూటగట్టి నువ్వందించాక
ప్చ్..అయినా సరే..
మనసుతో సంబంధం లేని శరీరమలా కదులుతూనే ఉంటుంది
కనుమరుగై కొన్ని జీవితాలను తలక్రిందులు చేయలేక.!!
No comments:
Post a Comment