వినిపించింది నీ వలపుపాట..
సజీవ రాగంతో..లయ చెదరని భావముతో..
నీ శ్వాసల వెచ్చదనానికే వివశమవుతూ
వగలుపోయింది నిన్నలేని నా ఒయ్యారం నేడు..
ఊహలు నిజమై నరాల్లో తీగలు సవరిస్తుంటే..
పలికిందొక ప్రియమైన ప్రణయనాదం..
గమకాల మధురిమలకే తేనెలు కురిసిపోతుంటే
తాదాత్మ్యమైపోతున్న అణువణువులో..
ఓపలేని అనుభూతుల తిమిరింతలు..
కన్నుల్లో ఆపలేని పున్నమి వెన్నెల కాంతులు
దాచలేని బింబాధరాల నునుపులోని తొణుకులు..
ఒదిగిపోతూ కరిగిపోతూ..
ఒకరిలో ఒకరమై చేరిపోతూ
మబ్బుకలలు నారు పోసుకుంటూ
మనకి మనమే పదిలమైపోదామా..!!
No comments:
Post a Comment