ఎంత సున్నితమైన కనకాంబరాలో
లేతకెంజాయ వర్ణపు గొలుసుకట్లు
నిలువెల్ల సౌందర్యాన్ని దాచుకున్న
మెత్తని కుసుమ శలాకలు
ముంగిలికి వన్నె తెచ్చు స్నిగ్ధ లావణ్యాలు
లలిత కోమలమై మదిని దోచు పూబాలలు
అతివల కురుల సోయగాన్ని పెంచు ఎర్రని సిరులు
మధురభావనలు ఉద్దీపించు సన్నని సొబగులు..
సహజవాసన లేని సువర్ణ పుష్పాలు
కదంబంలో ప్రేమగా ఇమిడిపోవు మౌన తారకలు
అరుదైన అలంకారపు సమ్మోహనాలు
రాజసపు కలలకు రూపమిచ్చు దీపికలు..
నిరాడంబరపు అస్తిత్వానికి సాక్ష్యాలు
అమూల్య పారవశ్యానికవి రసగీతికలు..!!
No comments:
Post a Comment