పరుగాపలేని జీవనపయనంలో ఒక్కోసారి
అంతకు మించినదేదో కావాలనే కుతి
నిరాకారపు అస్తిత్వానికి లోబడక
అనుభవాలను దాటుకుంటూ పోవాలనే కాంక్ష
పాతబడ్డ సంతోషాలను కాలదన్ని
కొత్తగా సృష్టించుకున్న ప్రపంచాన్ని పొందాలనే ఆరాటం
శబ్దాలు ప్రవహించలేని ప్రశాంతతలో
స్వప్నాలను నెమరేసుకోవాలనే వాంఛ..
హృదయాంతర్భాగపు నిశీధిలో నిలబడి
నిశ్చలమై నిర్నిమేషమై పరిశుద్ధమవ్వాలనే తపన
మేఘఘర్జనల సవ్వళ్ళను ఆలకిస్తూ
సర్వావస్థలందూ ఆనందరాగాన్నే ఆలకించాలనే ఆశ
అగాధ నీలికడలి పొలిమేర అంచుల్లో
అమృతపుజల్లుల్లో తడవాలనే వినమ్రకోరిక..!!
No comments:
Post a Comment