ఈ హేమంతంలో..

ఈ హేమంతంలో..
ఈ ఉదయం..కొన్ని మౌనాలను మోసుకొచ్చింది
అనంత మంచుబిందువులొకటై కురుస్తున్న సౌందర్యం
అదో అలౌకిక స్నానంగా తడిపింది
మనసంతా మధూలికమై..ఏకాంతానికి నివేదనై
భావాలకు వంతపాడింది..
రాగాలు చెలరేగిన పెదవులిప్పుడు విచ్చుకున్నాయి
పువ్వుల నవ్వుల్లోని అర్ధాలనిప్పుడు పట్టుకున్నాయి
ఊహాయానమిప్పుడు తేలికయ్యింది
క్షణాలను అనుసరిస్తున్న అనుభూతులు తీపవగానే..