ఓ ఆనందానికని వెతుక్కుంటూ ఎన్ని రోజుల్ని మోసానో
ఆ క్షణం రానే లేదు
మనసు మాత్రం అలనాటి మేఘసందేశాన్నింకా
అదే పనిగా చదువుతూ ఉంది
తనువు దాటి నీలోకి తొంగి చూడాలనుకున్న చూపులు
అశ్రువులను చేరదీస్తూనే దాచుకోవాలని విశ్వప్రయత్నిస్తుంటే
ఎప్పుడో ఒకటైన ఆత్మలు మాత్రం
మౌనాన్నెప్పుడో ఆదమరచి పాడేసుకున్నాయ్
మనసారా నిమిరే రెండు చేతుల్లో సేద తీరినట్లనిపించాక
కొన్ని అబద్ధాలు అతికినట్లనిపించవుగా
అందుకే..
Tum Bin Jaun kahaan...
కలలోకైనా వస్తానని మాటిచ్చాక
నిద్రలోనే శాశ్వతంగా నేనుండిపోలేనా..
No comments:
Post a Comment