నే మరణిస్తేనేమి..
నా జ్ఞాపకాలైతే మిగిలే ఉన్నవిగా
తృప్తినిచ్చే ఒక ముగింపు నా జీవితంలో లేకున్నా
నీకు ఆధారమైన స్మృతులన్నీ నావేగా
ప్రత్యుష నిశ్శబ్దమొకటి మొగ్గ తొడిగినప్పుడల్లా
నీ మనసుతడి చెమరింపులో నే చేరిపోలేదా
అనంతానంత శూన్యాలలోకి నడచిపోయింది నేనైనా
నీ మౌనంలోని విషాదమంతా నా ఛాయదేగా
ఎన్ని హృదయాలు నన్ను తడిమి చూసినా
నేనొక్క హృదయాన్ని మెలిపెట్టిందైతే నిజమేగా
మరి మృత్యువు ఓడిపోయినట్టేగా..
నీ అనుభూతుల అలలలో నేనెగిసిపడినప్పుడల్లా..!!
No comments:
Post a Comment