కొంటె చూపుల హారతులే నీకు..
నీ నిరీక్షణకు కానుకగా..
కరముల దండల ఊయాలలే నీకు..
నీ ప్రేమకు లాలనగా..
కమ్మని ఊసుల ముచ్చట్లే నీకు..
నీ ఆరాటానికి సన్నాయిగా..
కొన్ని నవ్వుల అభిషేకాలే నీకు..
నీ ఆరాధనకు వెన్నెలగా..
కోటి కూజితాల స్వరాలు నీకు..
నీ హృదయానికి ఆలాపనగా..
కార్తీక దీపాల వెలుగులు నీకు..
నీ రాతిరికి వెలుగుచినుకులుగా..
కొంగొత్త విరహాల భావాలు నీకు..
నీ స్వప్నాలకు బాసటగా...
కొన్ని ఏకాంతాల సంగీతం నీకు..
నీ మౌనానికి పల్లవిగా..!!
No comments:
Post a Comment