ఊపిరాడని నడివేసవి
ఊహకందని గాయాలనోర్చుకుంటూ
ఉస్సూరుమంటూ ఉలికులికి పడుతుంది
నెమరేసుకున్న కూజితాలు
నిరంతరాలాపనలు దాటి
గుండెఘోషలో అడుగంటుకున్నాయి
నేత్రాంచలాలు దాటిన స్వప్నాలు
నిరాశను కడిగే కన్నీరుగా మారేందుకు
పదేపదే కురిసేందుకైనా సిద్ధమన్నాయి
వెతల మేలుకొలుపుతో
కళ్ళిప్పుతూ మొదలైన జీవితం
ప్రతిఘటించే మనసును ఓర్చుకోమంది
విశ్రమించినా అంతమవని వేదనలు కొన్ని
హృదయాన్ని చుట్టుముట్టిన తాకిడిలో
ఆనందపు నిచ్చెన ఎక్కాలనుకున్న ప్రతిసారీ కూల్చేస్తాయి
అరవిరిసే నవ్వులను ఆమడ దూరముండమని విసిరేస్తాయి..!!
No comments:
Post a Comment