// కొసమెరుపు //

పిచ్చిగీతల నొసటిరాతల్లో అంతులేని కథేమిటో
మలుపులెరుగని జీవితానికి గమ్యమెక్కడో

ఋతురాగం తెలియని కొమ్మకి పువ్వులు పుట్టినా
ఆర్తిలేని హృదయంలో పదమైతే పూయదన్నట్టు.
కన్నీటి నవ్వులకే పరిమితమైన చూపుల్లో
కలకాలం ఆశావర్షాన్ని కురిపించేదెవ్వరో

లోపల గడ్డకట్టిన జీవనది ప్రవహించాలనుకున్నప్పుడు
మనసుని విదిలించడం కూడా తెలియాలన్నట్టు
విగతమైన అల్పస్వప్నాల మైమరపు
వేకువ వెన్నెల్లో కనిపించని నక్షత్రాల కొసమెరుపు..😣