// అశ్రువిన్యాసం //

కొబ్బరిమొవ్వలోని చిన్నివెన్నెలకి మైమరచిన మనసు
నీ ఊహల సాంత్వనకని కళ్ళు మూసుకోవడం తెలుసా

పాలనురగ వంటి ప్రేమసాగరం
ఎదలోయల్లో ప్రవహిస్తుందంటే నమ్మవా
భాష్యంగా మిగల్లేని స్నిగ్ధక్షణాలు
వడివడిగా కదిలిపోతుంటే ఏం చేయనూ..😒

గుండెల్లో మొదలై గొంతులో ఆగిన సప్తస్వరాలు
ఇన్నాళ్ళూ రవళించకుండా ఆగి
మృదువైన మందహాసమై బయటపడుతుంటే
మంచి ముత్యాలు ఏరుకోడానికి రావెందుకూ

ఉత్తరంగితమైన రుధిరపు రాగం
మునిపంట ఆగిన వివశత్వపు కృతికాగా
గుచ్చుతున్న నీ విరహం
రెప్పలమాటు దాగుళ్ళాడుతున్న అశ్రువిన్యాసం 😣💞