చిట్టడివిలాంటి నా మదిలోకి
చందమామలా నువ్వొచ్చినందుకేమో
నెలకో నాలుగురోజులు మాత్రం.
పున్నమిపువ్వు విచ్చినట్టు వాసనేస్తాను
నువ్వేమో..
దూరమన్నది నా కేవల భ్రమైనట్టు
వెనుకెనుకే తిరుగుతుంటావు
అదేపనైనట్టు అలిగిన కన్నుల్లోకి తొంగిచూస్తూ
మౌనమో కలస్వనమైనట్టు పులకరిస్తావు
ప్చ్...
ఎదురుచూసిన హేమంతం రానే వచ్చింది
నా ఆరాటమే చల్లగా మిగిలిపోయింది
మనోవిడిది వెచ్చనిపొరల్లో నేనూహించే నీ స్పర్శ ఒక్కటే
నన్నిప్పుడు కౌగిలిస్తున్న అమరసౌఖ్యమని తేలిపోయింది 
No comments:
Post a Comment