// వేకువ //

మసకచీకటి క్షణాల శబ్దరహిత వేకువలో
తొలివెలుగు రూపమై చేరువైన ప్రియమైన అతిథీ..
నువ్వలా అపరిచిత కృతులు మొదలెట్టగానే
ఝల్లుమన్న నా గళరాపిడి గమకమై ఎగిసింది

మధువీక్షణాల కువలయ నయనం
కుంకుమపూల తోటను చేరి
కుసుమపరాగ మధూళీ వశమై
ప్రేమామృతపానం చేసినట్టుంది

దేహంపై మెరుస్తున్న ఈ ఉద్వేగం
నీ కవిత్వంలా నాకనిపిస్తుంది
ఎప్పుడైనా నన్ను రాసున్నావా
అదేమో..ఇక్కడంతా
కొన్ని వాక్యాల తీపిమరకలు..
ప్రపుల్లమై నవ్వుతున్న కార్తీకదీపాలు..💜💕