అదిగో వినిపిస్తుంది..నాలో సంగీతం నాకు
తరలిపోయిన భావమొకటి వెనుదిరిగినట్లు
విప్పారిన వెన్నెల్లో నవ్వులు చిమ్మినట్లు
అరవిరిసిన పూలపరిమళం చుట్టుముట్టినట్లు
అదిగో..అక్కడో సౌందర్యావిష్కరణ
నేనో మైమరపుకు చిరునామా అయినట్లు
అపూర్వ తన్మయత్వానికి మది తేలికయినట్లు
సరాగాల విలాసానికి చేరువైనట్లు
మనోరథం అటే కదులుతోంది
అలలుగా రమ్మని పిలుస్తున్న సముద్రానికేసి
అణువణువూ నింపుకున్న తేజస్సును కూడి
ఆ రసవాటికలో మునకలేయమని
అనుభూతి సిద్థించాలనుకున్న ప్రయత్నం ఫలించింది
ఒంటరితనాన్ని పూరించుకొనే అవకాశం దొరికింది
ఎగిరిపోతున్న కాలానికి గాలమేసినట్లయ్యింది
ఈ క్షణాలిక నావే..పూర్తిగా నాకే...
No comments:
Post a Comment