అలసిన కన్నుల అలజడి
సద్దుమణిగి
నిద్రించేందుకు రమ్మంటుంది
ఆ కాస్త భావావేశమూ
ప్రాణంలో ప్రసరించి
ఏకాంతానికి దారడుగుతుంది
అప్పుడప్పుడూ కదిలే
అపస్వరమొకటి
అనిశ్చితాలతో బేరమాడుతుంది
కోర్కె సడలిన రాతిరిలో
ఆద్యంతరహితమైన చీకటి
స్వేచ్ఛ దొరికి నర్తిస్తుంటుంది
శూన్యమంత మనసు వినువీధుల్లో
స్వప్నమొకటి
మరపురాని జ్ఞాపకాలను తోడి
హర్షాతిరేకంతో నన్ను నవ్వించాలని చూస్తుంది..:)
No comments:
Post a Comment