మనసంతా పరచుకున్న విరజాజుల పరిమళాలు తూచి
తన్మయత్వపు జడివానలు కురిపించు ఆనందం నీది
శుభమూర్తం కుదిరిందని పూలకలలు కోసుకొచ్చి
తపనల సరిగమలు వెదజల్లాలనే పరవశం నాది..
చీకటి కొమ్మకు పూసిన వెన్నెల ఱేడు నీవు
నీకోసమే విరిసే విరిసిగ్గుల తామర నేను
కన్నుల్లో స్వప్నాలు స్వర్గాన్ని తలపించే వేళ
హృదయమాపలేని జోలపాటలెన్నో కదా
అందుకే..మధుమాసపు మనోకోయిలనిప్పుడిక నేను..
నీకు మాత్రమే వినిపించాలనుకొనే ప్రణయ భావాలతో..
No comments:
Post a Comment