కొన్ని తడియారని జ్ఞాపకాలు
ప్రాణం పోసుకున్నట్లు
మదిలో సప్తవర్ణావిష్కరణలు
కొన్ని వెతల దూరాలు
కాలం పూసిన లేపనాలు
రాలిన ఆకుల కొమ్మకు వసంతాలు
కొన్ని అస్పష్ట దృశ్యాలు
అపురూప క్షణాల కలయికలు
పగటికలల చిద్విలాసపు కేరింతలు
కొన్ని రంగుల సమ్మేళనాలు
నవరాగాల పల్లవులు
గుసగుసలిప్పుడు సంగీతాలు
కొన్ని అక్షరాల వారథులు
ఊహాతీతమైన అనుభూతులు
కవితావేశపు మురిపాలు
కొన్ని భావాల కిరణాలు
చిరునవ్వుల మందారాలు
తిమిరాన్ని తరిమే ఆనందాలు
కొన్ని నక్షత్రాల తళుకులు
పసి వెన్నెల సౌందర్యాలు
ఈ రాతిరికవే పులకింతలు..
No comments:
Post a Comment