// జ్ఞాపకాల గది //

పాడుతూ ఉన్న మది పాడవుతుందని తెలిసినా
జ్ఞాపకాల గది వీడి బయటకీ రాదు
ప్రణయాక్షరాలను పేర్చడమూ ఆపదు

నా నాలుగు క్షణాల నిత్యానందాలు
కెరటంలో దాగిన కడలిలా
నీలోపలున్నాయని తెలిసాక..
ఇష్టమంటూ నువ్వు మిగిల్చిన మౌనంలో
ముత్యాల తుంపరలెన్నో
ఊపిరాడనంతగా తడిచిపోతున్నానిలా

సంతోషాన్ని నెమరేస్తూ జరుపుతున్న కాలహరణంలో
లోనికి ఇంకడం తెలియని కన్నీరు
మంచి ఘడియలకి ఎదురుచూస్తున్నట్టు
ఏకాంతం చేసే వినోదానికి నవ్వడం నేర్చుకుంటుంది

ఊహకందని నిశ్శబ్దమేదీ మన మధ్య లేనందుకే
తెరతీయకుండా నువ్వు పలుకుతున్న పదాలనే నేనాలపిస్తున్నా 😉💜