//ఇటు తిరుగకు..//

కొసరి కొసరి మైమరచిపోయేంత అశాంతి
గుండెల్లో అలల మాదిరి జలజలలో
సందిగ్ధమైన స్పర్శ నీ తలపుదేనా

ఆకాశానికి వెన్నెల హారతి పడుతున్న వేళ
గాలి తునకలు మోసుకొస్తున్న పరిమళానికి
నిదురన్నది రాని రాత్రి ఈ పంచాశ్రువులెందుకో

అతులితానంద కన్నీటి రాగంలో
రెక్కలు తొడగలేని ఆత్మగీతం
ప్రతిధ్వనిస్తున్న పర్వం అవేదనదా..

జీవనవేదపు ప్రవాహవెల్లువలో
తడవని తామరాకులా ..నువ్వో అన్వేషివి
వసంత విరితావులా నేను..నీ వెనుకడుగుని..

ప్రేమాన్వీ..
ఇటు తిరిగి నన్ను పరామర్శించకు
నే పరితపించిన పాటకి గొంతు కలుపుతూ పద ముందుకు..💕💜