// శిలాజలమైపోవద్దని..//

వైశాఖం వంతెన దాటేలోపే
కొన్ని కలల చిత్రాలను నాకొదిలేసింది
ఎదలో కవిత్వాన్ని ఆపేసి శిలాజలమైపోవద్దని
మాట తీసుకొని మరీ కదిలింది

నన్ను దాటిపోయిన చిరునవ్వులు
నీవైపొచ్చాయేమో అడగాలనుకుంటానా..
కాగితమంతా నీ పాదముద్రలతో కనికట్టు చేస్తూనే
చాలాసార్లు అదేమో క్లుప్తంగా ఉండిపోతావ్

నీ పేరు మౌనమని
రెప్పలమాటు అలలు విరిగిపడుతున్నా
అమాస కదా అనే ఆశావాదానికి నిర్వచనానివని
నాకు తెలిసిపోయాక ఇంకేమడగనూ..

అలవాటైన మనసుపాటలో ఐక్యమయ్యి
అంతరంగ పయనంలో సాగిపోతున్నా..
దారంతా నీలినీలి పువ్వులు
ఏరుకోమనే నీ భావాలకు మల్లేనే..😂💜