వాడికలాగే ఇష్టం..
తనవారిని పొగుడుకొని ఎదుటివారిని తూలనాడటం..
అవసరానికి వచ్చినవారిని చులకన చేయడం..
ఆపై అక్కర్లేని సాయానికి వెళ్ళి భంగపడటం..
వాడికలాగే ఇష్టం...
తనకన్నా ఎత్తున్నవారిని ఎగతాళి చేయడం..
నిండుహృదయాలలో లోపాలను ఎంచడం..
ఆపై మంచితనానికి మసిపూసి ఆనందించడం..
వాడికలాగే ఇష్టం..
ఆడపిల్లని అబ్బురపడుతూనే అపహాస్యం చేయడం..
గిలిగింతల మాటలనుకొని వికృతంగా వాగడం..
ఆపై లోకువై నొచ్చుకోవడం..
వాడికలాగే ఇష్టం...
మాటలవేగంతో మాయ చేయడం..
నైపుణ్యాన్ని గాలమేసి ఆకట్టుకోవడం..
ఆపై బంధానికి బంధీ కాలేనని చేయీవడం..
వాడికలాగే ఇష్టం..
చీకటిని చేరదీసి రోదించడం..
చల్లని జాబిల్లిలో మచ్చలు వెతకడం..
ఆపై కావ్యోద్ధరణంటూ అక్షరాల్ని లాలించడం..!!
No comments:
Post a Comment