//మనసు దాహం//

//మనసు దాహం//

మనసుదాహమెన్నటికీ తీరదనే అనుకున్నా..
నువ్వు నాలోకి అడుగులేసే వరకూ
తడబడే నా గుండెను వాత్సల్యంతో అదిమి పెట్టేవరకూ..
ఏకాకితనమప్పుడే చిగురించిందనుకుంటా..
జీవనకాసారంలో నీతో పయనం మొదలైనప్పుడు..
నీ నవ్వుల అంచుల్లో ఊగుతున్నప్పుడు గమనించనేలేదు..
నువ్వో పెదవిప్పని మౌనానివని..
అయితేనేమిలే..
నీ మౌనం..
నా నిశ్శబ్దాన్ని పూరించింది..
ఓదార్చే వీచికై నా ఏకాంతాన్ని ముద్దాడింది..
ఊహలకందని అంతర్నాద సంగీతమై ఓలలాడించింది..
కొమ్మకొమ్మలోని కోటిరాగాలనూ వినిపించింది..
అలజడిలేని అందమైన కావ్య ప్రవాహంలో తోడుగా నిలిచింది..
దప్పిక తీరని నదికి నీ దరి సాంత్వనిచ్చింది..!!