ఎందులో ఎక్కువని యోచిస్తున్నా..
భావకుడివని అందునా..
నిన్ను మించిన ముగ్ధమైన భావములున్నవిగా నాలో..
కవీంద్రుడివని అందునా..
నువ్వు చూడని రహస్యాలు మిగిలున్నవిగా నాలో..
రసేశ్వరుడివని అందునా..
నవరసాలపుట్టని సైతం పట్టించుకోని వాడివిగా..
చంద్రుడివని అందునా..
నీ అందం వెల్లువలో ప్రవహించేది నా వెన్నెలేగా..
మన్మధుడివని అందునా..
నాలో రహస్యమవుతూనే నలుగురికీ కనిపిస్తున్నావుగా..
తీయనివాడివని అందునా..
నీలో తీపిగోదారై ఉరకలెత్తుతున్నది నేనేగా..
కిలాడి దొంగవందునా..
నా సర్వం దోచి కేవలం ఊహల ఊసే మిగిల్చినందునా..
ఒక్క విషయంలో మాత్రం నువ్వెక్కువని ఒప్పుకుంటున్నా..
నీ మనసును మక్కువకొన్న నా మనసుందిగా నీదగ్గర..
అందుకే నువ్వెక్కువ..
అన్నీ ఉన్నా..మనసు లేని నాకన్నా..!!
No comments:
Post a Comment