వెలసిపోయిన సంతోషాలు
అలసిపోయిన ఆనందాలు
రెప్పల పరదాల మాటున దాగిన గాజుగోళీలైన నీ కళ్ళు
ఎంతటి అస్తిత్వమున్నా..
హృదయాన్ని దాచుకోవడం నీ గొప్పదనం
మమకారాన్ని పంచుకోవడమే నీ లక్షణం
ఆకురాయి అద్దంలో మసిబారిన నీ అనుభవాలు..
ప్రాణంపోయినా నోరు మెదపనివ్వని నీ అసహాయతలు..
హక్కులూ బాధ్యతల నడుమ సతీవతి ధర్మాలు
విలువల మధ్య..ద్వంద్వాల మధ్య ఆవిరైన అనుభవధారలు..
ఎక్కడో లేదుగా అంధకారం..
ఒక్కమారు నీ హృద్గుహలోకి తొంగిచూసే
ధైర్యముంటే..
కనిపించదా కృష్ణబిలం..!!
No comments:
Post a Comment