// సంధ్యారాగం //

పంచభూతాల్లో కలిసిపోయే పంచప్రాణాలు ఈ రోజుకి చైతన్యం..రేపటికి నిర్జీవం నీ కంటి మెరుపులో నా ప్రతిబింబం మాత్రమెప్పటికీ పదిలం.. నేలకు రాలిన పువ్వులు చిరునామా మార్చుకొని మట్టికి పరిమళాన్ని పంచినట్టు మనసు వాసన తెలిసిన నీకు నా ఉనికి నీతో కదిలే సజీవ లక్షణం.. చీకటిలోనో..ద్వీపంలోనో నువ్వొంటరి కావు వాస్తవాన్ని భూతద్దంలో చూడకు రేపటి వెన్నెలను ఈరోజు ఊహిస్తేనే నీకు నువ్వో దిక్సూచివి అవధులు దాటే కాలంతో పోటీపడి చిరునవ్వుని గతంలోకి తోసేయకు ఆశలు రేకెత్తినప్పుడే సూర్యోదయం అందం పూలగాలి సోకితేనే అది సంధ్యారాగం 💜💕