// మార్పు //

ఎప్పుడూ తన మాటే చెల్లాలనుకొనే జీవితం దారులన్నీ మూసేసి మార్పు అనివార్యమంటుంది మౌనాన్ని కౌగిలించిన గడ్డిపువ్వులా మారిపోయాక నక్షత్రాల కోసం నిరీక్షణ ఆగిపోతుంది గాయాల్ని రేపే గతం మనసుని సాంత్వనో వెన్నెలనీ నలుపు చేసే చీకటో తెలియకనేమో నేల తడిచే నాలుగు రోజులూ కలవరింతలు వానై కురుస్తుంటాయి రెప్పలకు కునుకెందుకు లేదో అనుకోరాదప్పుడు వెతలకు మూగసాక్ష్యంగా కన్నులూ తడుస్తున్నప్పుడు 😣