//గుండె రాయి//

పున్నమి ఎందుకు వలవిసిరిందో

నిద్దురరాని ఆ కళ్ళకు

లోకం అంధకారమైంది

అంధకారమైన హృదయవిదారక ఆర్తనాదం..

ఇన్నాళ్ళూ ఆలకించిన సంగీతం

కేవలం ధ్వనించిన నిశ్శబ్దమని తేల్చింది

నిశ్శబ్దం తేల్చిన మధురానుభూతుల్లో

చిరిగిపోయిన మనసుపొర

ఆరారగా కురుస్తున్న అంతు తెలియని కన్నీటిధారయింది

కన్నీటిధారల విషాదానికి ఓర్చినందుకేమో

గుండె రాయిగ మారి

మరోసారి తనో జీవచ్ఛవమని ఋజువు చేసింది 😢