విషాద సముద్రం

ఒక్కోసారి విషాదం సముద్రంలా అలలు విరుగుతుంది నిన్నంతా తడిపి నిస్పృహలో నిలబెడుతుంది ఊపిరాడక గింజుకునేలా, ఓడిపోయిన అనాథలా పచ్చిగాయాన్ని రేపుతుంది నీకు నువ్వే ఘనీభవించిన రాయిగా మారాక నీ కలల్ని దోచుకుని ఆడుకుంటుంది గుప్పిట్లో దాచుకున్న సందిగ్ధాలు నిశ్శబ్దాన్ని శబ్దం చేస్తూ చిగురించే సమయం ఎప్పుడో దాటిపోయిందని అన్యాపదేశ ప్రకటన వినిపిస్తుంది ఇదేదో అర్ధంకాని రోదనలా ఎదుటివారికి కనిపించినా నిన్ను మాత్రం గుక్కపెట్టేలా ఏడిపిస్తుంది లోకం మొత్తం ఏకమై శపించినట్లు రొదపెట్టే అనుభవాలు తడుముకుంటూ బ్రతుకంతా బాధని మోయమని తీర్మానిస్తుంది